Texnogen xususiyatli favqulodda vaziyatlar oqibatida halok bölganlar oilasi va tan jarohati olgan fuqarolarga bir martalik moddiy yordam körsatiş tartibi belgilandi. Bunda tölov miqdori jarohat darajasiga qarab 44 million sömdan 220 million sömgaça böladi.
Hukumatning 2026-yil 3-noyabrdagi 606-son qarori bilan texnogen xususiyatli favqulodda vaziyatlar oqibatida aholiga yetkazilgan zararni baholaş va qoplaş tartibi tasdiqlandi.
Mazkur tartib transport avariyalari va halokatlari, kimyoviy xavfli hamda yonğin-portlaş xavfi mavjud obyektlardagi hodisalar, energetika va kommunal tizimlardagi avariyalar, bino konstruksiyalarining tösatdan buzilişi kabi holatlarni qamrab oladi. Hodisaning favqulodda vaziyat sifatida eʼtirof etilişi tegişli komissiya tomonidan belgilanadi.
Qarorga köra, jabrlanganlarga bir martalik moddiy yordam quyidagi miqdorlarda ajratiladi:
- Halok bölganlarning oila aʼzolariga — har biriga teng uluşda BHMning 500 baravarigaça (220 million sömgaça);
- Oğir tan jarohati olganlarga — BHMning 200 baravarigaça (88 million sömgaça);
- Örtaça oğirlikdagi jarohat olganlarga — BHMning 150 baravarigaça (66 million sömgaça);
- Yengil jarohat olganlarga — BHMning 100 baravarigaça (44 million sömgaça).
Moddiy yordam sud tomonidan aybdor deb topilgan yuridik şaxslar yoki ularning mansabdor şaxslari hisobidan tölanadi. Aybdor şaxs aniqlanmagunça yoki u zararni töliq qoplaş imkoniyatiga ega bölmasa, moddiy yordam tuman (şahar) hokimligi huzuridagi jamğarma hisobidan ajratiladi.
Bunday hollarda tölov 30 kun içida amalga oşiriladi. Keyinçalik ajratilgan mablağ aybdor şaxslardan undiriladi.
Jabrlangan fuqarolar yoki halok bölganlarning oila aʼzolari favqulodda vaziyat sodir bölgan kundan boşlab 30 kun içida tegişli komissiyaga ariza bilan murojaat qilişi lozim.
Qaror bilan batafsil Lex.uz saytida tanişiş mumkin.
